Speaker Belmonte, panauhin sa 9th Media Sports Club Bowling Tourney

Pangungunahan ni House Speaker Feliciano "Sonny" Belmonte ang listahan ng mga guest speakers sa pagbubukas ngayong taon ng hostilidad ng 9th Media Sports Club Mixed-Team Bowling Tournament 2001 sa alas-9 ng umaga sa 4th floor ng Puyat Sports Center, Farmer’s Plaza, Cubao, Quezon City.

At sa nakalipas na mga taon napatunayan na ng MSC na ang kanilang mga miyembro ay hindi lang mahusay sa paghahatid ng mga balita, kundi maging sa mga palakasan at sa kanilang annual tourney.

Gaya ng mga nakalipas na tournament, umaasa ang mga kalahok na mas panibagong pakikipagtagisan ng talento ang kani-kanilang haharapin upang makamit ang supremidad sa larangan ng bowling ngayong season.

Inaasahan na ang bibitiwang pananalita ni Belmonte, isa sa malakas na kalaban para sa pagka-mayor ng Lungsod ng Quezon City sa Mayo 14 eleksiyon at dati ring media man sa mga miyembro ng manunulat mula sa radio at television ay makapagbibigay sa kanila ng isang inspirasyon.