Bagong PSC Commissioner ipinakilala na

Pormal na ipinakikila kahapon ang isa na namang babaeng commissioner sa Philippine Sports Commission na si Cynthia Carrion na magsisimula ng kanyang panunungkulan ngayong araw na ito.

Ipinakilala ni PSC chairman Carlos Tuason si Carrion sa kanyang tanggapan sa Rizal Memorial administrative building sa mga media na siyang pumalit sa dating commissioner na sio Leonardo Celles.

Si Carrion, pangulo ng Philippine Olympic Committee Observer Association at Philippine Sports Aerobics Association, ay ang ikalawang babaeng commissioner sa kasalukuyan matapos kay Amparo "Weena" Lim sa kasaysayan ng PSC.

"Rest assured, that I will follow the President’s objective like good-governance and results-oriented," ani Carrion na pormal na naitalaga kamakalawa matapos pirmahan ni Pangulong Gloria Macapagal-Arroyo ang kanyang appointment.

Si Carrion naging kaklase ng Pangulo sa Assumption College at nagtapos ng kursong Business Management ay natoka sa pamamahala ng women’s at sectoral sports na kinabibilangan ng Batang Lansangan, Indiginous Games, Physically and Mentally challenge at iba pang sports activities sa gobyerno.