Castillo, nanguna sa 27th National Invitational Duckpin

Nagrolyo ang mga beteranong sina Hermie Castillo ng D’Friendly at Enock de Sagun ng Batangas ng 415 at 378 pinfalls, ayon sa pagkakasunod, upang manguna sa singles event ng 27th National Invitational duckpin bowling championships sa The Marketplace Center sa Mandaluyong City.

Tumapos si Castillo na una kina Chris Mendez (415), Rene Capulan (396), Peo Lopez (391), Bert Sales (390), Tony Huelva (389) at Vic Uy (387).

Naungusan naman ni de Sagun sina Nora Certeza (368), Maa Aregla (353), Beth Manosca (353), Geena Gregorio (352) at Beng Ravago (339).

Dumalo ang senatorial candidate na si Noli de Castro sa opening ceremony ng PHI-DBC tourney na ito na itinataguyod ni dating Secretary Edgardo J. Angara kasama sina Col. Art Navarette at Ric Raagas bilang mga donors.

Pinangunahan naman nina UDBA-RSN at BDBA-II BAT ang team competition, habang sina Ramir Moreno at Magdalena Eugenio naman ang umalagwa sa class C singles.