6,800 mag-aaral lalahok sa STRAA

Ang Laguna ay isa ng lugar para sa palakasan.

Dahil muling bubuksan sa probinsiyang ito sa bagong gawang San Luis Recreational, Educational, Cultural and Sports (RECS) Village sa Brgy. Bubukal, Sta. Cruz ang Southern Regional Athletic Association (STRAA) Meet 2001 sa Linggo.

Aabot sa 6,800 mag-aaral mula sa elementarya at high school mula sa 11 probinsiya at anim na siyudad sa Region IV ang inaasahang maglalaban-laban sa nasabing sporting event na inorganisa ng Department of Education, Culture and SPorts (DECS), Region IV.

Sariwa pa sa pagiging punong abala sa nakaraang Philippine Sports Commission’s 2nd Philippine National Youth Games-Batang Pinoy National Championship noong nakaraang Enero, muli tutuklasin na naman ng Laguna ang mga hinaharap na Olympians.

Mayroong 23 events para sa elementary level at 32 para sa high school level ang nakatakda. Ilan sa mga nasabing sporting events ang tampok sa libreng admissions competition ang atlhletics, gymnastics, badminton, tennis, baseball, basketball, volleyball, football, arnis, karatedo, taekwondo, boxing, swimming at chess.