14 team sa San Miguel Bravo Cavite 9-Ball tourney

Labing apat na koponan mula sa iba’t ibang bayan sa Cavite ang maglalaban-laban para sa korona ng San Miguel Bravo Rum Cavite’s Best 9-Ball Inter-town Amateur Billiard League bukas, ala-una ng hapon sa SM Bacoor, Cavite.

Ang nasabing tournament ay inorganisa ng Board Member of Strike Revilla at ng "STRIKE" Billiard Association sa Cavite na ang huling elimination round ay ginanap noong nakaraang Enero 26 hang-gang Pebrero 25.

Ang 14 na koponan ay mula sa Bacoor, Dasmariñas, Imus, Kawit, Tanza, Noveleta, GMA, Silang, Rosario, Car-mona, Tagaytay, General Trias, Naic at Cavite City na siyang nanalo ng kampeonato sa kani-kanilang elimination round.

Tatanggap ang kampeon sa tournament na ito na hatid ng Minnesota cuestick at SM Bacoor ng P15,000 at cuestick trophy, habang ang first-runner ay mag-uuwi naman ng P10,000 cash prize at tropeo.

Magbubulsa naman ang second runner-up ng P4,000 at tropeo at ang 3rd placer ay P3,000.