Philab taob sa Navy

Nagsama ng lakas ng sina Cris Canlas at Vernon Diaz sa pagkana ng limang hits upang ihatid ang wala pang talo at defending champion Navy sa kanilang ikatlong dikit na panalo sa pamamagitan ng 10-2 iskor kontra Philab sa battle of Champions baseball tournament kahapon sa Rizal Memorial field.

Makaraan ang dalawang oras, dinuplika naman ng Airforce ang tagumpay ng Navy nang kanilang maungusan ang Army, 6-5 kung saan nalimita ng southpaw na si Ernesto Binarao ang kapwa niya Asian baseball campaigner Fidel Moncera sa dalawang oras, nine-inning pitching duel.

Kumana si Canlas, isang right-hander ng tatlong hits kontra sa pitong innings, bago tinapos ng rookie southpaw na si Diaz ang kanyang trabaho sa pamamagitan ng dalawang hits upang muling ipamalas ng Navymen ang kanilang dominasyon.

"I saw the ball coming, then I slammed it solidly," wika ni Binarao na gumawa ng kanyang kauna-unahang homerun sa 5-3 panalo kontra sa Army noong Sabado.