400 UP fratmen sa "Galakhan 2001"

Magiging aktibo ang UP Diliman campus ngayong alas-3 ng hapon sa paglulunsad ng naiibang sportsfest na pamumunuan ng mahigit 400 UP frat men sa event na tinaguriang "Galakhan 2001" na gaganapin sa UP Sunken Garden.

Ang naiibang fun sportsfest na ito ay bahagi ng pagdiriwang ng "Araw ng Mag-aaral", na bahagi ng foundation month ng University of the Philippines-Diliman.

Ang sportsfest na ito ay magkatulong na proyekto ng Office of the Vice Chancellor for Students Affairs na pinamumunuan ni Tessa Jazmines at ng Barkada ng UP Fratmen.

Layunin ng kauna-unahang inter-frat activity na ito na maging bahagi ng kanilang paghahanap sa bagong tahimik na paraan at bagong depinasyon ng campus fraternity system.

Ang mga kasaling fraternities ay ang Alpha Phi Beta, Alpha Phi Omega, Alpha Sigma Beta Epsilon, Beta Sigma, Epsilon Chi, Gamma Sigma Pi, Mu Sigma Phi, Pan Xenia, Phi Kappa Mu, Pi Sigma, Scintilla Juris, Sigma Kappa Pi, Sigma Rhi, Tau Alpha at Upsilon Sigma Phi.