Mindanao, pugad ng mga sports heroes

Inaasahan ni Philippine Sports Commission chairman Carlos Tuason na ang First Mindanao Sports Summit opening sa Davao City bukas ay magsisilbing bagong lugar ng mga bagong henerasyon ng sports heroes at heroines mula sa rehiyon.

"Mindanao has been a rich breeding ground of talents in the past producing some of our outstanding athletes over the years." ani Tuason.

Kabilang sa mga dating standouts na tinukoy ni Tuason ay mula sa Minda-nao tulad nina dating track star Mona Sulaiman na minsan ay tinaguriang ‘Asia’s fastest woman, javelin thrower Erlinda Lavandia at swimmer Jairulla Jaitulla.

Galing din ng Mindanao sina world boxing champions Rolando Navarette at Manny Pacquiao at ang mga amateur boxers na sina Danilo at Arlan Lerio, divers Zardo Domenios at Shiela Mae Perez.

Ang magkapatid na Lerio, Domenios at Perez ay pawang mga beterano ng Sydney Olympic Games.