Avon Global Run sisimulan sa Linggo

Muli na namang masisilayan ang pagtatagisan ng lakas ng mga kakabaihan sa pagtakbo sa Linggo.

At muli, ang Ayala Avenue ang financial district ng makati ay magiging lugar ng people power. Ngunit ngayon ito ay pawang para lamang sa mga babae na magpapamalas ng kanilang lakas sa gaganaping Avon Running Global Women’s Circuit 5K at 10K National Championship na lalahukan ng mahigit sa 3,000 runners at mag-aaral mula sa iba’t ibang paaralan sa National Capital Region.

Bukod sa pinakamalaking all-women competitive run, ang naturang event ay nakapagtala rin ng record para sa pinakamalaking premyong nakataya sa nasabing mga distansiya.

Naglaan ang Global beauty company Avon ng P500,000 halaga ng mga premyo cash at inkind na ang 10K national champion ay tatanggap ng P25,000, habang ang 5K champion ay mag-uuwi ng P10,000.

Tatanggap rin ang Avon Lady Champion ng P10,000 cash prize, habang ang runner-up sa 10K ay bibigayan ng P12,000 at P7,000, ayon sa pagkakasunod.

Bukod sa mga cash prizes, ang Avon Running 10K national champion at ang Top Avon Lady Finisher ang kakatawan sa bansa para sa Avon Running Global Championship sa Budapest, Hungary ngayong Oktubre 2001.

At dahil sa paglahok ng defending champion Kristabel Martes at iba pang running stalwarts mula sa iba’t ibang rehiyon, siguradong ang Avon Running ay mas higit na kasiya-siyang national championship.

Inaasahang mahigpit na makakalaban ni Martes para sa mataas na karangalan ang mahigpit niyang karibal na sina Hazel Madamba, Takbo Para sa Kalikasan runner-up Liza Yambao, Jona Gayumba-Atienza, Enate Sayrol, Juvy Madredia, Melinda Manahan, Cebu bets Marites Bitbit at Niseree Mendoza, Davao’s Raquel Veloso at PRISAA champion Jaime Atuel, Cagayan De Oro’s speed sisters Ellen at Lorna Tolentino at ang ipinagmamalaki ng Baguio na si Flordeliza Cachero.

" Everything is in place and the runners are just waiting for the bang of the starting gun on Sunday," wika ni Race Director Rudy Biscocho.