Nestle Phils. abala sa Milo Junior Tennis workshop

Dahil sa nasimulang committment sa pagsuporta sa junior tennis development sa bansa, inihayag ng Nestle Philippines na magiging punong abala sa kanilang unang yugto ng 2001 Milo Junior Tennis Cup and Regional Workshop ang Subic Bay Yacht Club.

Ang nasabing netfest ay kauna-unahang event sa kanilang nakalinyang 11 yugtong Milo netfest na ito na inorganisa ng Children’s Tennis Workshop at may suporta rin mula sa opisyal na outfitter Adidas at PTV-4 Sunday weekly show Sports Kids ay may sanctioned mula sa Philippine Tennis Association (Philta).

Nakatakda ang huling araw ng rehistrasyon para sa boys’ and girls’ 18-under, 16-under, 14-under, 12-under at unisex 10-under divisions sa Biyernes alas-9 ng umaga sa Yacht Club hardcourts at ang draw ay agad na isusunod.