Magbabalik si World Boxing Council (WBC) International Superbantamweight champion Manny Pacquiao sa Yñares Center para sa nalalapit na WBC International Superbantamweight Championships kontra sa Japan-born slugger na si Tetsutora Senrima.
Idedepensa ni Pacquiao ang kanyang titulo sa Pebrero 17 sa ikaapat na pagkakataon matapos nitong pabagsakin ang dating world champion at kapwa Pinoy na si Reynante Jamili noong December 18 sa Elorde Sports Center.
Ipinagmamalaki ni Pacquiao ang kanyang 32 fights na may 30 wins at 2 losses na kinabibilangan ng kanyang 21 knockouts habang si Senrima ay may 19-4-3 win-loss draw kabilang ang 10 KOs.
Bukod sa tampok na labanan nina Pacquiao at Senrima may dalawang championship bouts din ang nakatakda sa event na ito na hatid ng San Miguel Beer.