Espinosa yuko kay Sanchez

Yumukod ang two-time champion na si Luisito Espinosa kontra kay Augie Sanchez sa isang undercard na laban.

Pinabagsak ni Sanchez si Espinosa sa ikaapat na round sa kanyang unang laban matapos mabigo sa kanyang title bid kontra kay Naseem Hamed.

Mahina ang simula ni Sanchez ngunit unti-unti itong nakabangon sa ikalawang round.

Lalo pa itong tumindi sa ikatlong round nang kanyang pabagsakin si Espinosa sa pamamagitan ng right hand sa kalagitnaan ng naturang yugto.

Bagamat bumangon pa si Espinosa at nanatiling buhay matapos ang sunod-sunod na head punches sa pagtunog ng bell.

Ngunit sa puntong ito, malinaw na sa lahat kung sino ang mananalo.

Matapos ang sunud-sunod na suntok , naging dahilan ito upang umatras si Espinosa at mapaluhod ang isang tuhod sa lubid.

Itinigil ni referee Joe Cortez ang laban, 1:36 ang oras sa ikaapat na round.

Si Sanchez ay tinalo ni Hamed sa ikaapat na round noong Agosto 19.