Stability, respectability at credibility ang pundasyon ng PBL

Stability, respectability at credibility.

Ito ang mga bagay na isinasaalang-alang ni Commissioner Chino Trinidad sa pagpapatakbo ng Philippine Basketball League na kanyang inihahanda para sa hinaharap ng liga.

"What I’m concerned right now is the future of the league," ani Trinidad na halos isang taon nang nanganga-siwa ng PBL. " What will happen to us is my concern right now."

Di malayong tamaan ng economic crisis ang PBL at dahil dito, mahigpit na bina-bantayan ni Trinidad ang budget ng liga.

"Kailangan ready kami. "We’ve learned our lesson from the MBA, we can’t expend too much."

Kung mayroon mang maipagmamalaki si Trinidad, ito ay ang napabuting officiating ng PBL.

"Nakakatuwa kasi na walang bad press tungkol sa officiating namin. In fact, there are two major league na gustong magpahandle ng officiating sa amin," ani Trinidad.

Dahil dito, nagkakaroon ng respectability ang liga.

"If you have stability, you have respectability," wika ni Trinidad. "MBA and PBA recognizes the pressence of the PBL and also some collegiate league."

At kung may stability at respectability, may credibility.

"We have to make people realize that PBL has been here for a long time. The PBL have been contributing so much in the Philippine Basketball," paliwanag ni Trinidad.

Hindi magagawa ni Trinidad ang lahat ng ito kung wala ang tulong ni Dioceldo Sy, ang Chairman ng PBL at ni Tommy Ong, ang kanyang deputy Commissioner.

Planong tumanggap ng PBL ng isa pang team mula sa kanilang aplikante sa susunod na taon at balak din ni Trinidad na muling buhayin ang Women’s League.

Bukod sa dalawang regular tournament, idinaraos ng PBL ang Wheelchair Basketball, Juniors Basketball at ang bagong tatag na Youth Basketball. (Ulat ni Carmela Ochoa)