Tiger Ari, OPBF champion pa rin

Napanatili ni Tiger Ari ang kanyang titulo sa Oriental and Pacific Boxing Federation (OPBF) Super-Featherweight division nang kanyang itala ang impresibong tagumpay sa pamamagitan ng unanimous decision kontra kay Japanese Super Featherweight Atsushi Tamaki na ginanap sa Wakayama, Japan kahapon.

Sa unang round, maraming suntok ang tumama kay Tamaki kaya’t bumagsak ito at sa ikatlong round ay tuluyan na itong humalik sa canvass.

Gayunpaman, nakayanan ni Tamaki na manatiling nakatayo at tapusin ang 12-rounder kontra sa Pinoy.

Kasama ni Ari ang kanyang manager na si Gabriel ‘Bebot’ Elorde, Jr. at trainer na si Ervito Salavarria.

Ang tatlong huradong Koreano, Hapon at Philippine judge na si Virgilio Garcia ay pabor sa champion na lumamang ng 9-puntos.