Las Pinas College pinadapa ng MLQU sa 1st Philippine Youth Basketball League

Naging matatag sa huling bahagi ng labanan ang Boysen-MLQU upang hatakin ang 48-42 panalo kontra Crystal Spring-Las Piñas College kahapon sa 1st Philippine Youth Basketball League sa Makati Coliseum.

Pinangunahan ni Rodrigo Medenilla Jr., ang opensa ng MLQU sa pagkana ng 14 puntos, ngunit mas pumukaw ng atensiyon sina JP Albano at Rodel Mallari na naghatid ng panigurong puntos upang ibigay sa Paint Experts ang ikatlong sunod na panalo sa apat na laro.

Mula sa 42-30, kalama-ngan sa pagtatapos ng third period, nagawang makalapit ng Crystal Spring-Las Piñas sa pagsisikap nina Mark Piodo, Joel Gragasin, Jhmebel Gican at Crisanto Espera sa 41-46, may 1:14 segundo ang nalalabi sa laro.

Sumuporta kay Medenilla si Edelito Saygo na tumapos ng 10 puntos bukod pa ang limang rebounds.