Skyland Estate pinasadsad ng Las Piñas College

Nagpakatatag sa huling 25 segundo ng labanan ang Las Piñas College-Crystal Spring upang pasadsarin ang Skyland Estate-Guagua National Colleges, 72-65 kahapon sa 1st Philippine Youth Basketball League sa Makati Coliseum.

Humakot si Jerry Ferrer ng 16 puntos upang ipalasap sa Pampangue-ños ang kanilang ikalawang sunod na kabiguan.

Ang panalo ay lumukob sa nalasap na 70-75 kabiguan ng Water Bottlers mula sa mga kamay ng Gringo-Barkadahan para sa kanilang 1-1 win-loss slate.

Mula sa 33-34 pagkakalapit ng iskor, nagbaba ang Las Piñas ng 22-5 run sa likuran nina Ferrer, Gican, Efren Valdez at John Paul Alcaraz upang palakihin ang kanilang 55-39 kalamangan, may 5:03 ang nalalabi sa third period.