MLQU-Boysen namayani

Nag-init sa pinal na minuto ng laro ang MLQU-Boysen na naging daan tungo sa 72-59 tagumpay kontra sa Skyland Estate-Guagua National Colleges sa pagbubukas ng Philippine Youth Basketball League sa Makati Coliseum.

Kumana ng 25 puntos at humatak ng 7 rebounds si Edito Saygo nang pangunahan nito ang 25-9 pananalasa sa ikatlong quarter katulong sina Theody Habelito at Jun Lana na naghatak sa Paint Experts mula sa 31-all pagkakatabla.

Pinunan ni Norman Afable ang puwesto ni Saygo nang magpakawala ito ng limang sunod na puntos na higit pang naglayo sa kalaban sa 68-54 may 2:51 na lang ang nalalabi sa final quarter.