Gueco nanguna sa PGFF Heavy Tackler of the Year

Nanguna si Ronrico Gueco, isang PAL international flight steward, sa 67 angler na kalahok sa 6 heavy tackle tournaments upang mapagwagian ang Philippine Game Fishing Foundation (PGFF) Heavy Tackler of the Year (AOY) title noong nakaraang linggo na suportado ng American Technologies Inc. at Golden Maple Industrial Corp.

Si Gueco, ang una at natatanging PGFF Hall of Fame awardee na nagwagi ng tatlong AOYs sa loob ng 10 taong fishing ay nanguna kay Bert Lingayo sa lahat ng kategorya--light, heavy at overall scores.

Pumangalawa naman si tournament director William King na sinundan ni Willie Yap para sa ikatlong posisyon habang ang kakampi at co-sponsor na si ATI head Boy Co ay nakahuli ng limang non-qualifying catch below 3 kg. bawat isa.

Nakuha naman nina Benedict Lim at Gueco ang overall team championships.