Managsoong Cabañero mikulit og kasaysayan: Parehong naapil sa Mythical Five sa UAAP Season 87

CEBU, Philippines — Ang Sugbuanong managsoon nga sila si Nic ug Andwele Cabañero mikulit sa ilang mga pangan sa bato human pareho silang naapil sa Mythical Five sa tagsa-tagsa nila ka dibisyon sa University Athletic Association of the Philippines (UAAP) Season 87 men's basketball tournament.

Mao kini ang labing unang higayon sa 87 ka tuig nga kasaysayan sa UAAP nga duha ka managsoon ang naka-angkon ning maong talagsaong dungog.

Si Cabañero nakaangkon og luna sa Mythical Team selection uban ang average nga 16.3 puntos,  5.4 rebounds ug 1.9 assists matag duwa aron pangulohan ang University of Santo Tomas (UST) Growling Tigers ngadto sa pagpahiluna sa ikatulong dapit sa seniors category.

Ang manghud ni Nic nga si Andwele misidlak sab. Mitapos siya nga ikaduha sa karera pagka-MVP samtang  gitabangan ang Tiger Cubs paglandig sa ikaduhang puwesto sa juniors level.

Si Andwele mipatak og 16.86 puntos, 9.43 rebounds, 5.5 assists ug 1.79 steals matag duwa aron pagbira og luna sa Mythical 5.

"We are so blessed to have a very supportive parents who constantly guide us along the way," matud pa ni Nic Cabañero. "I do hope na maka-inspire mi og more athletes with what we have accomplished."

"We are also thankful to UST and our respective teams because without them, dili namo makuha ang award. Our dream is to build a legacy for the greater glory of our school and God. We will just continue to work hard, aim high, and dream big para maabot namo ang among goal to become a professional basketball player someday."