Bag-ong hugna sa “FPJ’S Batang Quiapo”
CEBU, Philippines — Gibuksan na ang laing hugna sa “FPJ’s Batang Quiapo” alang sa ikatulo nga tuig niini sa kahanginan ilabi na ang pakigkombate ni Tanggol (Coco Martin) sa mga pagsulay.
Gipaabot usab ang dugang mga artista nga mosulod sa maong serye.
Giatngan pud ang kulbahinam nga mga eksena ug rebelasyon dungan sa pagsulod sa mga mga bag-ong karakter.
Sa laing bahin ,gihugopan sa mga Sugbuanon ang mall show sa mga bitoon sa Batang Quiapo ug ubang Kapamilya stars niadtong Enero 18 didto sa Ayala Center Cebu.
Nisalmot usab kini Sinulog Grand Parade niadtong Enero 19.
Natuman nga pangandoy
Gibutyag ni Tony Labrusca nga dream come true gyud ang pagka-leading man niya ni Herlene Budol sa GMA Network series nga “Binibining Marikit.”
Atol sa presscon nga gipahigayon dinhi sa Dakbayan sa Sugbo sa niaging adlaw, gibutyag sa aktor nga taod-taod na gyud niya nga pangandoy nga makatrabaho si Herlene.
"Sobrang bait niya, ang gaan katrabaho, " matud pa ni Tony. Mapasalamaton si Tony gumikan kay nahatagan siya og tsansa nga makabaton og usa ka Kapuso project.
Matud pa nga pabilin nga talent ang aktor sa Star Magic sa ABS-CBN. Kauban nila ni Tony ug Herlene sa Binibining Marikit kay sila si Cris Villanueva, Thea Tolentino, Almira Muhlach, Jeff Moses, Ashley Rivera, John Feir, ug uban pa.
- Latest
