Mga hulagway kuha ni Ramon Taguchi

Sinulog Festival Queen 2025

Narayna ang pambato sa Lapu-Lapu City

Ang representante sa Lapu-Lapu City nga si Sofi Maxim maoy  maoy nilangkat sa titulo nga Sinulog Festival Queen 2025.

Gipahigayon sa Cebu City Sports Center niadtong Biyernes sa gabii ang maong kompetisyon.

Napili nga 1st runner-up ang pambato sa Carcar City nga si Mary Josephine Paaske, samtang 2nd runner -up usab ang taga Mandaue City nga si Arianne Chrystel Torres.

Si Nadine Faith McCoy nga taga Talisa City maoy napili nga 3rd runner -up, ug ang representante sa Consolacion nga si Cyrene Chavarria Ponce maoy 4th runner -up .

Samtang ang kongresista sa Dakbayan sa Lapu-Lapu nga si Maria  Cynthia "Cindi" Chan kay nagmaya sa back-to-back win  sa dakbayan sa duha ka prestihyosong kalihokan sa Sinulog 2025.

Kahinumdoman nga  gawas kang Sofi, taga Lapu-Lapu City usab ang napili nga Miss Cebu 2025 nga si Christine Escanilla.

"Way kabutangan ang akong pasalamat sa atong balaang bata Sr. Sto. Niño sa maong mga kalampusan nga siguro ko gikalipay sab sa mga Oponganon. Salamat sab sa tanang nagpaluyo sa duha ka malampusong mga events ug sa tanang mga staff nga miatiman sa atong duha ka mga kandidata," Facebook post ni Kongresista Chan.

Minor  Awards:

Miss Photogenic:  

Dheya Casio Jaculbe sa Barangay Kalunasan

Best in Production Presentation:

Sofi Maxim Margareta Grenmo sa  Lapu-Lapu City

Best in Festival Costume: 

Sofi Maxim Margareta Grenmo sa  Lapu-Lapu City

Best in Instrumentation:

Arianne Chrystel Torres sa Mandaue City

Best in Solo Performance:

Lapu-Lapu sa Sofi Maxim Margareta Grenmo

Best in Group Performance:

Mary Josephine Paaske sa Carcar City