Vic dili makatingog

CEBU, Philippines — Nipagawas na og  gag order ang Muntinlupa Regional Trial Court (RTC) aron did-an   ang kampo ni Vic Sotto nga motingog sa publiko  kalabot sa kasong gipasaka niini  nga  19 counts sa  cyber libel batok  kang Direk  Darryl Yap.

Kahinumdoman nga wala mahimout  ang komedyanteng aktor nga si Vic sa teaser  sa pelikulang “The Rapists of Pepsi Paloma.”

Nahisgotan ang pangalan ni Vic sa maong teaser   nga  nakahatag og daotang imahe sa aktor.

 “All parties are directed to observe strict confidentiality in compliance with the sub judice rule, ensuring that the case proceedings and any related matters remain undisclosed to the public until resolved,” tipik sa mensahe sa korte. 

Pagbalik ni Kris sa telebisyon dili madayon ?

Niulbo karon ang chika nga matud pa dili madayon ang plano ni Kris Aquino nga mobalik sa telebisyon karong tuiga .

Suma pa sa usa ka tinubdan, kinahanglan ni Kris ang saktong pahuway karong panahona .

Kasamtangang nasakit  si Kris busa taod-taod na kini nga dili aktibo sa showbiz .

Lee Min-ho mobalik sa Pilipinas

Nagmaya ang fans ni Lee Min-ho human gianunsyo sa ilang idolo nga motikang kini sa nakalain-laing dapit sa kalibotan.

“Countless Minoz have come together to create the world of Minho, 'MINHOVERSE'. Now, let’s continue this journey together, even closer,” social media post sa aktor.

Gipaabot nga motikang si Lee Min-ho sulod karong tuiga  sa Pilipinas  ug naghinam-hinam na og maayo ang iyang fans niini.

Gawas sa Pilipinas,  mobisita  pud ang  South Korean actor sa  Thailand, Macau, Indonesia, Japan, ug uban pa.

Kahinumdoman nga nakatikang na sa Pilipinas si Lee Min-jho pipila ka tuig na ang nilabay alang sa iyang brand endorsements ug uban pa nga mga kalihokan.

 Kasamtangangang nalakip ang aktor sa  South Korean series nga When the Stars Gossip kauban si Gong Hyo-jin.