Jamela mibulgar sa pagluib nila ni Anthony ug Maris

CEBU, Philippines — Gipabuhagay  ni Jamela Villanueva, ex-girlfriend ni AnthonyJennings, pinaagi sa  Instagram Stories ang iyang mga kaligutgot ,ingon man usab ang kabahin sa breakup nila sa aktor .

Lakip sa gipakita ni Jamela ang screenshots sa giingong  conversation nila ni Anthony ug sa aktres nga si Maris Racal.

Base sa mga mensahe, dunay  dakong papel si Maris sa breakup nila ni Anthony ug Jam.

“I need to set the record straight, not to create more drama, but because I deserve to be heard,” kabahin sa  mensahe ni Jamela.

Gibuhat  kini ni Jamela  isip kabahin sa iyang   pag-move on sanglit taod-taod gyud siya nga nagpakahilom sa dili lalim nga iyang naagian.

“This is my truth, and sharing it is my way of moving forward — not with anger, but with hope, strength, and the belief that better days are ahead,” niya pa .

Matud pa ni Jam nga supportive  kaayo siya sa tandem nila ni Anthony ug Maris sa showbiz  kaniadto apan naabot sa punto nga  wala na siya mahimout gumikan kay dunay  pagluib nga nahitabo.

“When Maris came into the picture, I was genuinely happy for you both, I even chose to be supportive, despite the red flags I couldn’t ignore.I respected your craft. I believed in you both. But betrayal like this cuts deep," dugang pa ni Jam.

Nirason matud pa si Anthony nga ang sweet nga pagbinayloay nila  og mensahe ni Maris kay alang ra gyud sa trabaho.

Nabulgar usab nga sa usa ka party , gikatahong naghagkanay sila si Anthony ug Maris sulod sa CR .

Lakip sa nalambigit nga  mensahe kay," that was so hot"

"Context: 'yung 'that was hot' nag-party sila niyan... I confronted Anthony about it and he told me na hinila daw siya sa CR ng girls and they started making out. I asked him why did he let her, he just said, 'Ayoko lang maramdaman niya na parang ayaw ko siya kasi may trabaho kami bukas," pagyagyag ni Jam sa pagluib ni Anthony kaniya .

Gisakitan og maayo si  Jamela sa dihang nakit-an niya ang hulagway nga naghagkanay sila si Maris ug Anthony.

"These were the photos that shattered my heart into pieces. This is the other side of the story — the photos that she posted in her story, where people started attacking me, saying that the photo was just 'fan service' and that I was overreacting. I even asked Anthony about it, and he brushed it off, saying it was nothing," ni Jamela pa .

Pito ka tuig nilungtad ang relasyon nila ni Anthony ug Jamela.

Gitambagan niya ang kababaenhan nga dili mosundog kaniya nga nagpakabuta sa tinud-anay nga sitwasyon sulod sa taas nga panahon.

"To all the women reading this, don't be like me. It took me three long months to finally accept that I was just ignoring the reality of the situation.I allowed this to happen because I thought it was the best way to support them both. Most importantly, I trust my partner and her — as a woman,' ni Jamela pa.

Tungod sa rebelasyon nga gipabuhagay ni Jamela , nitumaw ang mga pagduda nga  posibleng mao usab kini ang rason  sa panagbuwag  nila ni Maris ug Rico Blanco.

Sa nangaging  statement ni Anthony ,  una na kini nga niklaro nga higala ra gyud niya si Maris.

Importansya

Gibutyag ni Carlo Aquino nga gihatagan gyud niya kanunay og importansya ang mga maayong butang nga gibuhat  sa  iyang asawa nga si Charlie Dizon  ug mao kini ang usa sa mga pamaagi nga nagkalig-on og samot ang ilang kaminyoon.  Bisan sa iyang ka -busy sa showbiz , dili gyud niya kalimtan ang pagpangumusta sa iyang asawa.

Thia ug John engaged na

Engaged na  ang beauty queen -actress nga si Thia Thomalla ngadto sa iyang non-showbiz boyfriend nga si John Castelar.Nahitabo ang wedding proposal didto sa  Minoo Fall sa Osaka, Japan.   Naghinam-hinam na ang duha alang sa laing hugna sa ilang panaghigugmaay.

Alfred nakadaog sa Japan

Si i Alfred Vargas  maoy napili nga best actor sa bag-ohay lang nga Ima Wa Ima Asian International Film Festival didto sa Osaka Japan.  Nataypan ang maayong pag-arte ni Alfred sa pelikulang  ‘Pieta.’

Bag-ong theme song sa UH

Sila si Jose Mari Chan, Zephanie ug Mark Bautista maoy nikanta sa  bag-ong version  sa  theme song sa Kapuso morning show nga Unang Hirit.

Ang pagmugna og bag-ong version kay kabahin sa kasaulogan sa 25th anniversary sa maong programa.

Malipayon si Mark gumikan kay kabahin siya kaniadto sa pagkanta sa original version niini .

Kuya Kim magpabilin nga  Kapuso!

Mi-renew  sa  Kim Atienza sa iyang kontrata sa GMA Network niadtong Lunes ug  gipabuhagay niya ang dakong pasalamat sa iyang mother network.

“All I can say is I’m just honored and so humbled na kailangan niyo pa ako at this point. Ako po ay so inspired,” matud pa ni Kuya Kim.

Nitambong sa  contract signing sila si GMA Network President and Chief Executive Officer Gilberto R. Duavit Jr.; GMA Network Senior Vice President Atty. Annette Gozon-Valdes; GMA Public Affairs First Vice President Nessa Valdellon; GMA Integrated News Vice President and Deputy Head for News Programs and Specials Michelle Seva; Consultant for GMA Entertainment Group Darling De Jesus-Bordegon; ug manager ni Kuya Kim nga si  Noel Ferrer.