Pamaagi sa pagkab-ot sa pangandoy gipaambit ni Kai

CEBU, Philippines — Gibutyag ni Pinoy Big Brother (PBB) Gen 11 4th Big Placer nga si Kai Montinola nga importante kaayo   ang paghatag og motibasyon sa usa ka tawo nga dunay gipangandoy.

Atol sa guesting ni Kai sa programa ni Bianca Gonzalez nga BRGY , gibutyag niini nga kinahanglan nga magpadayon sa mga butang nga ikalipay niini.

 “My message to all of you that are aspiring to be someone you’re not yet to be, all you have to do is keep doing what you want to do. Make sure you’re comfortable, make sure you’re having fun, make sure you’re happy,” saysay pa ni  Kai. Gipahimug-atan niya ang positibong mahatag kun dunay dakong pagtoo sa kaugalingon.

“Don’t try so hard, don’t like, go here, go there, ‘Kasi gagawin ko yan para lang maabot ko yung kuan.’ Don’t try so hard, kasi we have this thing like the law of attraction. As much as you think about it, as much as you manifest it, you believe that you can do it, it will happen,” niya pa.

Chito todo depensa  sa iyang asawa

Giklaro sa bokalista sa Parokya ni Edgar nga si Chito Miranda nga dili mangingilad ang iyang asawa  nga si  Neri Naig kinsa nasikop  sa niaging semana  gumikan sa estafa ug pagsupak sa Securities Regulation Code .

Suma pa sa singer nga matinabangon kaayo nga pagkatawo si Neri ug dili gyud kini mobuhat og daotan sa isigkatawo niini. Matud pa ni Chito nga gisikop si Neri  nga wala’y notisya kalabot sa kaso  nga giatubang niini , ug wala pud siya kadawat og suwat o subpoena  gikan sa prosecutor .

Matud pa sa singer nga endorser ra ang iyang asawa  sa usa ka kompanya  ug gigamit ra ang dagway niini sa pagkumbinser og investors.

 “Tulad ngayon, endorser lang s'ya tapos ginamit ‘yung face n’ya to get investors. Kinasuhan s’ya ng mga nabiktima. Tapos last week, bigla na lang s’yang inaresto for the same case kahit hindi pa s’ya binigyan ng notice na may bagong criminal complaint pala laban sa kanya, and ‘di nya na-defend ‘yung sarili nya.Wala s’yang na-receive na letter from the prosecutor, walang subpoena, walang kahit anong notice. ‘Yung mga dati, na-receive namin n'ya, at nag comply sya, (alam naman ng lahat na madali kami mahanap sa Alfonso). Anyway, dinampot na lang s’ya bigla,” niya pa.  

Naglisod sa “Espantaho”

Aminado ang aktres nga si Judy Ann Santos nga medyo naglisod siya gamay sa dihang gi-shoot  ang horror film  nga “Espantaho”  gumikan kay taod-tapod na pud siya nga nakapahuway sa mga horror movie..   Gitodo gyud niya ang bug-at nga emosyon ug mapasalamaton siya sa direktor sa maong pelikula nga si Chito Roño gumikan kay dili basta-basta ang pag-abag niini ngadto kaniya.

Anak ni Allen nag-artista

 Liwat kaayo ni Allen Dizon ang  iyang anak nga si Nella Dizon kinsa nisulod napud sa showbiz world.   Nalakip si Nella sa pelikula nila ni Rhian Ramos ug JC de Vera nga "Huwag Mo 'Kong Iwan" .  Si  Joel Lamangan ang direktor sa maong pelikula.

New single

Adunay umaabot nga awit ang grupong  BGYO  ug kini nag-ulohan og "Andito Lang."    Ang maong grupo kay gilangkoban nila ni Gelo Rivera, Akira Morishita, Mikki Claver, JL Toreliza,ug  Nate Porcalla .Ang BGYO maoy nagpasikat sa  "Trash”,  "Gigil" ug  "Patintero."

Sugbo  nalakip sa concert tour ni Odette

Human  nagmalampuson ang  nagbaha niya mga konsyerto sa  Manila  ug didto  sa  Amerika  , panahon napud nga dalhon dinhi sa Sugbo ang konsyerto  sa singer nga si Odette Quesada.

Ang  maong konsyerto kay nag-ulohan og Odette Quesada: All Hits - The 40th Anniversary Celebration.

Mahitabo kini karong Enero  18, 2025 sa  Waterfront Cebu City Hotel & Casino.

Mapalit ang concert  tickets sa  TicketWorld ,ingon man usab sa nahisgotan nga hotel.

Inigkahuman sa Sugbo, isunod dayon ang  laing hugna sa iyang  konsyerto sa SMX Convention Center Davao karong Enero 23, 2025.