Pasok sa Big 4

CEBU, Philippines — Duha ka Cebuana housemates ang nakasulod sa Big 4 sa Pinoy Big Brother: Gen 11"  ug kini mao sila si Rain Celmar ug  Kai Montinola.

Nikompleto sa listahan sa Big 4 kay sila si Fyang Smith sa  Mandaluyong ug Kolette Madelo sa  General Santos.

Gikatahong motak-op ang kasamtangang season sa PBB karong Oktubre 6.

Si JM Ibarra sa Quezon maoy  labing katapusang  housemate nga natagak sa  PBB: Gen 11 sa wala pa naporma ang Big 4. -SJA

Espesyal nga mensahe

Nipadangat og espesyal nga mensahe si Carla Abellana ngadto sa iyang higala nga si Bea Alonzo nga bag-ohay lang nagsaulog sa iyang  37th birthday.   “Bea, you are so special, you are so blessed and you are so loved. I hope that on your special day you were able to feel all that, plus more. Because you deserve nothing but life’s absolute best. Love you,” matud pa ni Carla.

Doc Jose

Hingpit na nga usa ka doktor ang usa sa mga miyembro sa bandang Lola Amour nga si Jose Angelo Manalo. Si Jose maoy  trumpet player sa iyang grupo. Sa social media post sa Lola Amour ,gipasigarbo niini  ang dakong kalamposan nga naangkon sa ilang kauban.

First runner-up

Ang representante sa Pilipinas nga si  Isabelle De Los Santos maoy napili nga first runner-up sa Miss Aura International 2024 nga gipahigayon sa niaging gabii didto sa  Antalya, Turkey.  Ang pambato sa Columbia nga si  Yuri Rey maoy nilangkat sa titulo nga  Miss Aura 2024 kun diin nakatigi niya ang laing 44 ka mga kandidata. Ang taga Turkey nga si Gizame maoy  second runner-up, samtang si  Yasmin Zaini sa Malaysia ang third runner-up, ug nalandig pud isip fourth runner-up ang kandidata nga gikan sa Ghana nga si  Makeeba-Kaya Animpong. -Sanden J. Anadia

Bailey mibalik sa pagkanta

Mibalik na sa music scene ang kanhi miyembro sa global pop group nga Now United  nga si Bailey May pinaagi sa  iyang comeback single nga "Come Closer."

Si Bailey mismo ang nagsulat sa  bag-ong Star Music single samtang ang ABS-CBN Music operations ug creative head nga si Jonathan Manalo maoy nagprodyus niini. Kini adunay mga impluwensya gikan sa dance hall ug reggaeton genres nga nagpakita sa artistic nga paglambo  ni Bailey human siya nahimong kabahin sa Now United.

Nailhan ang Filipino-British singer-actor sa dihang nahimo siyang housemate sa "Pinoy Big Brother 737" Teen Edition ug nalandig isip third runner-up. Niadtong  2015, gipagawas niya ang iyang self-titled debut album nga adunay mga kanta nga "Gusto Kita" ug "Now We're Together" ug nakadaog isip Most Promising Male Singer/Performer of the Year  sa 48th Guillermo Mendoza Memorial Scholarship Box Office Entertainment Awards. Nakalugwa usab siya sa nagkalain-laing Kapamilya shows nga  sama sa "On The Wings of Love" , "Maalala Mo Kaya" ug nahimong  performer sa "ASAP."  Nahimo usab siyang mentor sa idol survival program nga "Dream Maker" niadtong 2022.

Ang bag-ong single ni Bailey nga "Come Closer" kay madungog sa nagkalaing-laing digital streaming platforms.

Charo misulod sa Philippine Air Force

Usa na ka reservist sa  Philippine Air Force (PAF) ang beteranang aktres nga si Charo Santos-Concio ug gipasigarbo gyud niya ang iyang  hulagway nga kuha atol sa iyang graduation  sa niaging adlaw.

"Ako po si Charo, isa nang ganap na Philippine Air Force (PAF) Reservist!,"Instagram post sa aktres.

Matud pa ni Charo nga  dili pa gyud ulahi ang tanan sa bag-og butang nga iyang gisudlan.

"It’s never too late to start something new, to challenge yourself, and to keep on growing," niya pa.

Dugang pa ni Charo nga ang pagkuha niya og  military course kay nakatabang niya sa pagsabot  sa kahulogan alang sa tinud-anay nga paghigugma sa nasud.

"Through this experience, I have discovered a deeper sense of purpose and a renewed love for our country. Spending these past few weeks alongside my fellow reservists has been an honor, and I hope my story encourages you to pursue your passions, face your fears, and keep moving forward. No matter where you are in life, know that growth is always possible," niya pa.