Ninong ug Ninang sa JulieVer

CEBU, Philippines — Nihatag na si Rayver Cruz  og mga pasiuna nga pangalan sa mahimong ninong ug ninang nila ni Julie Anne San Jose kun pananglitan makahukom sila nga magpakasal na.

Nalakip sa lineup ang mga hurado kaniadto sa  The Clash nga sila si Ai Ai de las Alas ug Lani Misalucha. Pasok pud ang pangalan sa TV host nga si Boy Abunda.

Kokoy nakadaog sa  "Running Man Philippines"

Si Kokoy De Santos  ang napili nga ultimate winner sa  "Running Man Philippines" Season 2.

Nakaatbang ni Kokoy sa final round mao ang aktor nga si  Buboy Villar. Una niya nga napildi  sa ubang rounds kay sila si Miguel Tanfelix ug Ruru Madrid. 

“Maraming Salamat sa inyong lahat na nagtiwala sa akin, na kaya ko. Noong simula palang.. may mga bagay na tumatakbo sa utak ko na kung bakit ako parte ng napakalaking proyekto na ito. Pero nandiyan kayo para palaging ipaaalala sa akin. Na kaya ko. At ito. Para sa inyo ito.. Pamilya ko, mga Tropa ko at sa mga Kolokoys ko,” saysay pa ni Kokoy.

Maroon 5 mag-concert sa Pilipinas

Nagmaya ang Pinoy fans sa American pop rock band nga Maroon 5 human gianunsyo kagahapon nga dunay upcoming concert ang maong grupo dinhi sa Pilipinas.  Ang ilang konsyerto kay mahitabo karong Enero 29, 2025  sa Mall of Asia Arena.  Gipasikat sa Maroon 5  and  Out of Goodbyes, Lost Stars Makes Me Wonder, Wont Go Home Without You ug uban pa.

Gugma isip maghigala

Giklaro sa  Kapamilya actor -singer nga si Kyle Echarri nga single siya ug nag-enjoy siya og maayo sa dagan sa iyang career. Kabahin  usab sa estado  nila ni Andrea Brillantes, dili gyud mahupas ang paghigugmaay nila sa usag-usa isip maghigala.

Ken problemado?

Niulbo karon ang hungihong nga matud pa naghambin og problema ang aktor nga si Ken Chan ug duna kini kalabotan sa iyang negosyo.  Suma pa sa nikatap nga taho ,nga nagkasumpaki sila si Ken ug ang iyang business partner.

Grae nataypan sa viewers

Nakadawat og daghang pagdayeg ang maayong pag-arte ni  Grae Fernandez sa ABS-CBN primetime series nga “Pamilya Sagrado.”.  Dako ang pasalamat ni Grae sa tanang nihangop sa iyang presensya sa maong serye. Anak si Grae sa aktor nga si Mark Anthony Fernandez.

Jennie dunay umaabot nga single

Human nipirma og kontrata isip solo artist sa Columbia Records,  ilusad karong Oktubre  ang bag-ong single sa miyembro sa Blackpink nga si Jennie.

Una na nga gianunsyo ang partnership sa Columbia Records ug  OddAtelier alang sa paghupot sa solo career ni  Jennie.

Sayong bahin niining tuiga, naka-collab ni  Jennie ang Korean hip-hop star nga si  Zico alang sa awit niini nga  "Spot!".

Bianca bida sa "Danggo"

Mobalik napud og lugwa  sa big screen ang Kapuso actress nga si Bianca Umali.

Ang iyang upcoming movie kay nag-ulohan og  “Danggo”  nga paluyohan sa Pocket Media Productions Inc, ang  production studio nga maoy nag-produce sa pelikula nila ni  Barbie Forteza ug David Licauco nga  “That Kind of Love.”

Makauban ni  Bianca  sa "Danggo" sila si Cedrick Juan, Baron Geisler ug  Tirso Cruz III.