Mentor ni Gabbi

CEBU, Philippines — Gibutyag ni Gabbi Garcia nga si Boy Abunda ang  mentor niya sa iyang hosting skills. Si Gabbi ang host sa koronasyon sa Miss Manila sa niaging gabii. “Learning from the best! Having Tito Boy mentor me for my hosting stint at Miss Manila 2024 was the first of many heartfelt learning sessions,” caption pa ni Gabbi sa iyang hulagway kun diin katupad niya si Boy.

Midagsa ang fans

Kapin sa  6,000 ka mga  tawo ang nisalmot sa "BINI Run" niadtong Domingo didto sa kaulohan.  Nakighimamat gyud sa ilang fans ang mga miyembro sa BINI nga sila  si Aiah, Colet, Maloi, Gwen, Stacey, Mikha, Jhoanna, ug Sheena .“We can’t believe it still that our fans continue to grow. We don’t see familiar faces, there are new faces. It feels so good to feel their love. I hope our family becomes stronger,” suma pa ni BINI Maloi sa  interview niini sa ABS-CBN News.

Wala mahimout

Gigathan ni Jake Zryus  ang netizen nga nitwag  kaniya og “Charice” , ang karaan niya nga pangalan.   Suma pa sa singer nga gilubong na niya sa limot ang karaan niya nga pagkatawo.   “First of all, with respect to my past, keep my deadname out of your silly mouth,” suma pa ni Jake. 

Break-up issue gikataw-an lang

Gikataw-an lang  ni Sanya Lopez ang nagbalik-balik na nga isyu nga matud nagbuwag na ang iyang maguwang nga si Jak Roberto ug ang girlfriend niini nga si Barbie Forteza.

Suma pa ni Sanya nga malipayon kaayo sila si Jak ug Barbie sa relasyon niini . Nakita gyud niya ang kalig-on sa relasyon duha nga wala gyud naapektohan bisan sa ka-busy sa tagsa-tagsa nila nga mga career .Nasayran nga suportado ra ni Jak ang loveteam nila ni Barbie ug David Licauco. 

"Mahal kita beh"

Sa pagsaulog ni  John Lloyd Cruz sa iyang birthday kagahapon, ang   iyang girlfriend nga si Isabel Santos maoy unang ni-greet kaniya.

Ni-post si Isabel sa ilang mga hulagway nga kuha sa ilang pagbakasyon sa nagkalaing-laing dapit sa kalibutan. Aduna kini simpleng caption nga , "Mahal kita beh."

Mahinawayon gisuklan  ni Alexa

Wala kaantos si Alexa  Ilacad ug natubag gyud  niya ang iyang basher  nga nanghinaway sa pamorma sa iyang lawas.

Ang maong basher kay nikomento og , “Ang ganda mo pero may something talaga sa katawan mo na mejo off.”

Nisaka ang kilay ni   Alexa  sa maong mensahe  nga gipadangat kaniya.

“2024 na pero hindi ka parin aware na our bodies come in different shapes, sizes, and proportions? I’d suggest you to hit the books before making comments that are very... ‘off.' ,” tubag pa ni Alexa.

Matud pa niya nga ang  iyang  pagka-artista kay dili himoong rason nga yaga-yagaan ang iyang pagkatawo.

 “What a dumb argument. Me being a celebrity doesn’t give you a free pass to be rude ,” pagklaro ni  Alexa.

Dili matud pa  makiangayon nga motamay og tawo. 

“Last time I checked, ang trabaho ko po bilang artista ay umarte, kumanta, sumayaw minsan, at magpasaya ng tao. (Which i love doing) Buuut it isn’t part of my job description to tolerate rude comments like this. Constructive criticism- I accept with an open heart, but this? Nah. Such a toxic mindset,” dugang pa sa  aktres. 

Konsyerto sa All-4-One Christian mi-perform sa Indonesia

Si Christian Bautista ang opening act sa concert sa 90s  nga group All-4-One nga gipahigayon didto sa Jakarta, Indonesia niadtong Dimingo. Kabahin gihapon kini 30th anniversary world tour sa maong grupo.

Gikanta ni Christian ang "Beautiful Girl," "Since I Found You," ug ang "The Way You Look At Me" nga puwerting sikata sa Indonesia.

Sa tunga-tungang bahin sa konsyerto, gipasalmot si Christian sa  All-4-One sa entablado ug gikanta nila ang  "Bridge Over Troubled Water."