Hawks nilunod ng Clippers sa pagbabalik ni Leonard
INGLEWOOD, Calif. — Umiskor si Norman Powell ng 20 points habang may 12 markers si Kawhi Leonard sa una niyang laro sa season para gabayan ang Los Angeles Clippers sa 131-105 pagpulutan sa Atlanta Hawks.
Sumalang si Leonard, hindi nakalaro sa 34 laban dahil sa kanyang right knee injury, sa loob ng 19 minuto at naglista ng 4-of-11 field goal shooting.
Humakot si Ivica Zubac ng 18 points at 18 rebounds at may 17 markers si Amir Coffey para sa pagpigil ng Clippers (20-15) sa isang two-game losing skid.
Pinamunuan ni Trae Young ang Hawks (18-18) sa kanyang 20 points at 14 assists habang may 18 markers si De’Andre Hunter.
Mula sa 36-35 abante sa pagbubukas ng second quarter ay naghulog ang Los Angeles ng isang 27-4 bomba kasama ang siyam na puntos ni Coffey para iwanan ang Atlanta sa second half.
Sa San Francisco, naglista si Andrew Wiggins ng 24 points at may 17 markers si Dennis Schroder sa 121-113 panalo ng Golden State Warriors (18-16) sa Memphis Grizzlies (23-13).
Sa San Antonio, kumolekta si Nikola Jokic ng 46 points at 10 rebounds at pinalungkot ng Denver Nuggets (20-14) ang pagdiriwang ni Victor Wembanyama ng kanyang ika-21 kaarawan sa 122-111 panalo sa Spurs (18-17).
Sa Miami, humataw si Brice Sensabaugh ng career-high 34 points sa 136-100 pagbugbog ng Utah Jazz (8-25) sa Heat (17-16).
Sa Milwaukee, nagkadena si Anfernee Simons ng 28 points para igiya ang Portland Trail Blazers (12-22) sa 105-102 pagtakas sa Bucks (17-16).
- Latest
