CCPO aduna nay POI sa insidente sa pagpamusil sa Pardo
CEBU, Philippines — Aduna nay person of interest ang Cebu City Police Office (CCPO) sa nahitabong shooting incident diha sa Sitio Sto. Niño, Barangay Poblacion Pardo, Siyudad sa Sugbo niadtong Martes sa hapon.
Patay si Rudgie Dela Peña, 45-anyos, nagpuyo sa Barangay Tungkop, Lungsod sa Minglanilla human kini pusila sa duha ka kriminal.
Si Police Lieutenant Colonel Maria Theresa Macatangay, deputy city director for operations ug tigpamaba sa Cebu City Police Office nagkanayon nga padayon ang pagkuha nila og nga ebidensya nga magtumbok nga ang POI maoy naghimo sa krimen.
Nasayran nga ang biktima usa ka ex-convict diin napriso kini sulod sa lima ka tuig tungod sa kalambigitan sa ilegal nga drugas.
Ang kapolisan nisusi sa footages sa closed circuit television (CCTV) diin makatabang kini sa ilang imbestigasyon sa maong insidente.
Gihulagway sa CCPO nga ang maong hitabo isolated case kini ug dili makaapekto sa peace and order sa siyudad gani base sa datos sa CCPO ang trend sa crime naikunhod kini. (BANAT NEWS)
- Latest
