Heart, gustong maging expert sa pagbaril

Ang bongga naman ni Heart Evangelista na nagpraktis bumaril sa isang firing range.

Makikita sa post ng misis ni Sen. Chiz Escudero na dinala niya ang editor-in-chief (EIC) ng Harper’s Bazaar Singapore na si Kenneth Goh sa Sorsogon at doon sila nag-bonding kasama rin ang senador.

Sa isang reel ng Global Fashion Icon ay makikitang pumunta sila sa isang firing range.

Walang kaarte-arte si Heart na bumaril at mala-action star pa nga siya na tumatakbo-takbo habang bumabaril.

Halatang nag-enjoy ang grupo nila sa firing range kasama rin ang Filipino designer na si Michael Leyva.

Nagutom nga sila at nag-boodle fight pagkatapos bumaril. Pinatikim niya sa mga ito ang mga pagkaing Pinoy.

Naging tour guide nga ang mag-asawa at naglibot sila roon kahit hindi masyadong maganda ang panahon at umuulan-ulan.

Ilan sa mga binisita nila sa probinsya at museum at sports complex nito.

Winelcome rin ni Heart ang EIC sa Manila sa isang private dinner kung saan kasama rin nila ang It’s Showtime host na si Anne Curtis.

Mukhang nag-enjoy naman si Kenneth sa pagpunta nito sa Manila base sa kanyang post na may caption na “What an incredible welcome to Manila” kasama sina Heart at Anne sa photo.

Bongga.