Enrique-Kathryn reunion project gidungog

CEBU, Philippines — Bukas si Enrique Gil nga makatrabaho og balik  ang aktres nga si Kathryn Bernardo kinsa nakauban niya kaniadto sa ABS-CBN hit series nga  Princess and I, Enrique Gil .

Una na nga gidungog nga duna’y giluto nga proyekto alang sa duha.

Apan giklaro ni Enrique  nga wala pa siya ‘y nadawat nga taho kalabot niini.

Hinoun kanunay gyud niya nga isulti nga ganahan gyud siya nga makatrabaho og balik si Kathryn.

Baruganan ni Janella

Supak si  Janella Salvador sa  pagtoo sa ubang  tawo  nga kinahanglan nga kaslon dayon ang babaye nga napamabdosan sa uyab.  NIya pa nga dunay uban nga  wala magmalipayon  human nagdali-dali og pakasal. “There’s so many situations where they stay just for the sake of the kid, then they end up so unhappy. Just fighting, constantly fighting, then the kid grows up in that environment,” saysay pa ni Janella  sa  programang  “Modern Parenting”.

Dili arte

Gibutyag  ni Ron Angeles  nga dili gyud arte nga pagkatawo si Nadine Lustre. Sa dihang nagkauban sila sa pelikulang Uninvited,  gipaneguro gyud ni Nadine nga komportable siya sa ilang mga eksena .

BINI nanghakot og awards

Nanghakot og pasidungog  ang girl group nga BINI sa bag-ohay lang nga PPop Music Awards.Giila ang BINI isip Artist of the Year. Sila usab ang napili  nga  Favorite Streamed Artist kauban sila si  Dionela ug Maki.Naangkon pud nila ang  Best Production Design in a Music Video , Album of the Year ( Talaarawan), Song of the Year ( Pantropiko) ug Music Video of the Year (Salamin, Salamin). Ang ilang ‘Grand BINIVerse’ kay napili usab nga Concert of the Year .