Career milestone ni Thompson

MANILA, Philippines — Tunay na hindi makakalimutan ni Barangay Ginebra guard Scottie Thompson ang Paskong ito.

Bago pa isalpak ni Thompson ang kanyang game-winning three-point shot laban sa Magnolia sa PBA Christmas Day Clasico ay opisyal na siyang nakapagtala ng 2,000 assist career milestone noong Miyerkules sa Smart Araneta Coliseum.

Ang one-time PBA Most Valuable Player ang ikatlong Ginebra player na nakagawa nito matapos sina LA Te­norio at Jayjay Helterbrand.

Siya rin ang ikaanim na active player na nakapaglista ng 2,000 assists bukod kina Tenorio, Alex Cabagnot ng Converge, Jayson Castro ng TNT Tropang, Chris Ross ng San Miguel at Mark Barroca ng Magnolia.

Nauna nang kumolekta si Thompson ng 2,000 career defensive rebound noong Nobyembre 3.

Ito ay sa Game Four ng Governors’ Cup best-of-se­ven championship series ng Gin Kings at Tropang Giga.