Premyo itabang sa mga naapektohan sa bagyo

CEBU, Philippines — Ang team nila ni Ogie Alcasid, Kim Chiu, Lassy, ????ug MC Muah maoy nidaog isip Magpasikat 2024 grand champion human sila malampusong nakahatag sa ilang mensahe nga hunong, pahulay, kalma, ug nakuha ang labing taas  nga score gikan sa mga hurado sa niaging adlaw.

Ang P300,000 nga ilang premyo kay ilang ihatag sa mga biktima sa bagyong Kristine pinaagi sa Angat Buhay Foundation.

Wala damha ni Kim ang kadaugan ug niingon nga nalipay sila og maayo nga naporma gyud ang ilang performance bisan og daghang hagit ang ilang nasugatan. Si Ogie, kinsa unang nakadaog sa Magpasikat, nipaambit sa iyang garbo sa iyang grupo sa ilang mga sakripisyo ug nalipay usab siya nga nakuha sa mga viewers ang ilang mensahe.

Gawas sa ilang mensahe, nahingangha ang publiko sa hugyaw nga stunt ni Kim, sa pagtugtog sa piano ni Ogie sa revolving platform ug sa unang stunts nila ni MC ug Lassy. Ang direktor sa telebisyon ug pelikula nga si Rory Quintos, beauty queen ug aktres nga si Alice Dixson, Kapamilya heartthrob Donny Pangilinan, Kapuso actress Gabbi Garcia, ug kanhi ABS-CBN president ug Pilipinas Got Talent judge Freddie M. Garcia maoy nagsilbi nga mga hurado  sa "Magpasikat 2024". Nag- trending worldwide ang hashtag nga #ItsShowtimeKinseyyy ug nakalangkat kini og 369,498 peak concurrent views.