Drug den gironda, tulo nangadakpan

CEBU, Philippines — Nadakpan sa mga operatiba sa Philippine Drug Enforcement Agency (PDEA)-7 ug Police Regional Office(PRO)-7 Regional Intelligence Unit ug Cebu City Police Office(CCPO) Intelligence Team ang tulo ka tawo suds a  drug den atol sa buy-bust operation sa Sitio Tabay Lawum, Barangay Tisa, siyudad sa Sugbo gabii sa adlaw'ng Sabado, Agosto 24, 2024.

Nadakpan sa buy-bust operation ang target sa operasyon ug ang drug den maintainer nga si Jano Rupal alyas Gino, 42, ug ang duha ka tigbisitahan sa drug den nga sila si George Baena, 43, masseur ug Lloyd Alex Alona, 38, habal-habal driver.  Nasakmit sa maong operasyon ang 18 ka putos sa gituohang shabu nga nitimbang og 16 gramos ug gibana-banang mobalor og kapin P100,000, buy-bust money, P120 nga kwarta nga gituohang halin sa illega nga drugas ug nagkalain-laing drug paraphernalia. (BANAT NEWS)