Chicken soup
Ang chicken soup ay may benepisyo sa mga sumusunod na kondisyon: ubo, sipon, trangkaso, hangover at nagpapa-breast feed. Ayon kay Dr. Stephen Rennard ng University of Nebraska, ang chicken soup ay tumutulong sa pag-alis ng pagbabara ng sipon at plema. Pinipigilan nito ang pamamaga ng tonsils at paggawa ng plema (anti-inflammatory). Ang chicken soup ay may sangkap na amino acid o cysteine, na lumalabas sa pagluluto ng sabaw ng manok. Ang cysteine ay nagpapalabnaw ng plema sa baga. Mataas sa protina ang manok.
Mga sangkap sa paggawa ng chicken soup:
Camote – Ang camote ay maraming carotenoids tulad ng beta-carotene. Mataas ang camote sa fiber, vitamins B6, C at E, folate at potassium. Mababa ito sa calories. Ayon sa pag-aaral, nakababawas ng tsansa ng pagkakaroon ng lung cancer ang pagkain ng camote.
Carrots – Ang carrots ay may taglay na beta-carotene at Vitamin A. Ang vitamin A ay tumutulong lumaban sa impeksyon at mabuti rin sa mata. Puwedeng pang-diyeta ang carrots dahil 35 calories lang ang kalahating tasa nito.
Celery – Ang celery ay mataas sa vitamin C, magnesium at iron na kailangan ng dugo. Ayon sa mga eksperto, may tulong ang celery sa sakit sa puso, sakit sa baga tulad ng hika at bronchitis.
Black pepper – May taglay itong volatile oils at alkaloids na makatutulong sa pagluwag ng sinuses o daanan ng sipon. Puwede rin ito sa may ubo at trangkaso.
- Latest
