EDITORYAL - Fire Prevention Month

Gisugat og sunog ang unang adlaw sa Marso kagahapon. Matag bulan sa Marso ang pagtimaan sa Fire Prevention Month, gituyo kini aron magtimaan ug mag-amping ang tanan.

Gipili kining buwana nga Fire Prevention Month tungod kay kada tuig, mao ning buwana ang dunay pinakadaghang insidente sa sunog.

Ang Bureau of Fire Protection kanunay nipasidaan sa publiko batok aning sunog, apil na ang educational campaigns pagtudlo sa mga tawo sa mga angay ug dili angay buhaton panahon nga dunay alarma sa sunog.

Apil sa ilang gipangusgang kampanya kaning prevention o mga lakang aron walay mahitabong sunog diha sa mga kabarangayan.

Duna lang gyuy mga hitabo nga dili kalikayan ug duna say uban nga tungod sa kadanghag sa tawo maong nahitabo ang sunog sa ilang lugar.

Dili sama sa ubang katalagman, ang sunog kun hingpit maugdaw ang lugar wala nay mapunit pa ang katawhan. Sa baha ug linog naa pay mahibilin nga pwedeng ayumon-ayumon.

Dili lang kabtangan ang mawala, dunay kinabuhi pud nga makalas sa pipila ka mga insidente.

Busa kinahanglan nga mag-amping ang tanan pinaagi sa pagpaniguro ug panagana. Walay mawala sa tawo kun mag-amping.

Kagahapong adlawa, Marso 1, gisugat og sunog sa Lapu-Lapu City ang

Ang tema sa Fire Prevention Month karong tuiga “Sa Pag-iwas sa Sunog, Hindi ka Nag-iisa.” Nindot ang tema kung sabton og maayo.

Ang gipasabot ani, aron makalikay ang tanan gikan sa trahedya dala aning sunog, kinahanglang magkahiusa ug magtinabangay ang tanan nga dili kini mahitabo sa ilang komunidad.

Sa laktod, kinahanglang magpakabana ang tanan, dili mahimong usa lang sa balay sa usa ka komunidad ang magsige og amping, kinahanglan ang tanan gyud motabang paglikay ani.