Kahimtang ni Papa Francisco

Sayud ang kadaghanan kanato sa kahimtang sa atong mahal nga Santo Papa nga si Francisco. Daghan na siya og komplikasyon gawas sa iyang double pneumonia nga issue.

Apan nunot ning maong hitabo atong nakita usab kining mga kahimtang:

1. Bisan kun anaa pa sa tambalanan nitumaw naman pud ang mga hulagway ug mga pangalan sa mga papabile kun mga papal contenders. Mora’g makaingon ta nga daghan usab ang naghinam hinam nga siya mailisan bisan kun dako pa siyang buhi. Butang nga makapasagmuyo.

2.  Ang nakapait dunay mga dummy accounts nga nipakaylap og fake news nga nitaliwan na si Francisco.

Tinuod dunay kinutoban ang tanan. Ang kamatayon alang sa tanan bisan unsa ug kinsa ka pa. Apan alang nako ang pagpakaylap og sayop nga impormasyon kalabot sa kamatayon sa usa ka tawo usa man ka pagpanunglo. Ug kalabot niadtong rehearsal kalabot sa lubong ni Papa Francisco matawag ba kadto nga tunglo? Ang tubag dili. Kini kay gikan sa baba sa Santo Papa nga basin kun dili siya mo survive sa maong kahimtang.

Nahimo lamang siyang praktikal ug ang maong praktikalidad nagtudlo kanato nga bisan kita mismo angayang mangandam sa atong kamatayon. Apan ang pagpakaylap nga patay na ang Papa usa ka dakong tinonto. Maingon nga dili pa panahon ang paghunahuna kun kinsay mohulip sa iyang lingkoran.

Sa laing bahin, mas haom, makatarunganon og hamtong isip mga Katoliko nga si Papa Francisco atong iampo:

PRAYER FOR POPE FRANCIS’ HEALING

Loving and merciful God, we implore You

to look kindly upon Your servant, Pope Francis,

Touch him with your compassion and consolation.

Restore his health and renew his strength

in mind, body, and spirit.

Surround him with your peace

and the support of the prayers of your holy people.

We place Pope Francis in your healing love

through the doctors, nurses,

and medical professionals who take care of him.

We ask this through Christ our Lord. Amen.

Mary, Health of the Sick, pray for us.