Ang mga Hitabo

Gikan sa usa ka amahan nga nipatay sa iyang kapuyo ug sa duha ka mga anak niini ginamit ang sundang, nisunod usab ang balita kalabot sa inahan ug anak nga nakaplagang walay kinabuhi.

Ilang pagduda mao nga ang inahan naghikog ginamit ang hilo. Giangin ang iyang anak.

Ning bag-o pa lang dunay tiguwang nga gipunggotan og ulo diin ang ulo nga napunggot nalabay duol lamang sa nahimutangan sa lawas.

Pun-an pa sa database nga nagmantala sa kaparian nga nalambigit sa sexual misconduct uban ang mga minors.

Sakit kaayo ang mga komentaryo nga anaa sa social media. Apan wala kitay mahimo gawas sa pagdawat niini.

Dili na gyud safe ang kalibotan diin kita sakop. Alang nako, literal na gyud tingali nga nagpasad ang mga yawa o sila nga gigamhan sa yawa labina sa mga tawo nga gigamhan sa ginadaling drugas.

Daghan ang nangindahay sa death penalty. Apan ang pangutana mao: “sulbad ba kini sa mas halapad nga suliran sa nasud?”

Pun-an pa niadtong tawo nga ginganlan og Datu Adlaw didto sa Surigao nga nga nang padlock kay lagi sila ang mga pinili, ang ancestral land diin sila ang nagdumala ug uban pa ang makaingon tang pulonga makapakatawa kanato ingon man makapaguol, tingali daghan na gyud ang napasmo tungod sa kamahal sa palaliton.

Dili paigo ang pagbasol ni bisan kinsa kun nganong kini ang atong gidangatan kay sa mosugot kita o sa dili may natampo usab kita.

Mahinungdanon kaayo ning panahon sa kalisud ug kangitngit, kita mag-ampo, maghunahuna dili lang sa atong kaugalingon kondili usab sa katilingban ug kining maong pangindahay atong hatagan og katumanan diha sa atong pangalagad.