Mga pagtulon-an nga atong makat-onan kang San Juan Bosco

Usa sa mga paborito Nakong santos mao si San Juan Bosco. Higala kini sila ni San Hanibal Maria di Francia ang nagtukod sa mga Padre Rogasyonistas ug sa mga madre sa Daughters of Divine Zeal. Aduna kitay mapupo nga mga pagtulon-an gikan kaniya sanglit ato mang gisaulog ang iyang pangolin (Enero 31).

1.  Ayaw langaya ang paghimo og mayo. Buhata kini karong adlawa ayaw pagpaabot og ugma.

Kasagaran daghan nato ang ganahan og unya-unya. Hamubo ra kaayo ang atong kinabuhi busa atong pahimuslan ang kahigayonan nga makahimo og maayo alang sa tanan karon ug dili ugma.

2.  Atong sud-ongon ang atong isigkatawo uban ang kaayo, pagtahud ug gugma.

Ang paagi nga sud-ongon nato ang atong isigkaingon mosalamin man sa paagi nga gisud-ong nato ang atong kaugalingon. Ang pagduda sa uban nipasabot lamang nga kita mismo walay salig sa atong kaugalingon. Bisan pa man kun laksot ang ilang panlantaw kanato ug gipanghimaraot kita nila, mahinungdnaon gihapon nga mohatag kita sa panalangin kay kun sila nga dili angayan ni takus alang niini, ang maong panalangin mobalik ngari  nato.

3.  Ang dalan sa pagtuo kinahanglang subayon pinaagi sa usa ka mapaubsanon ug mas konkretong mga lakang.

Ang pagtuo nga walay buhat patay man nga pagtuo. Ang atong Ginoong Jesu-Kristo mao man ang Dalan ang Kamatuoran ug ang kinabuhi. Ang iyang sanglitanan ug pagkinabuhi maoy magsilbing sumbanan alang kanato nga mosunod sa iyang mga tunob. Ang pagtuo dili lang kutob sa rituwal ug pag-ampo. Ato kining ipakita sa buhat nga dunay han-ay ug igong padulngan.

4.  Himoa ang kaayohan sa tanan, ayaw pasipad-I si bisan kinsa.

Walay mahanaw kanato kun mohimo kita og maayo. Ang ginagmay nga akto sa  kalooy dako man og bili kanila nga nidawat niini.

5.  Si bisan kinsa nga mapaubsanon ug mahigugmaon ang higugmaon sa kadaghanan

Ning atong panahon karon gikinahanglan ang pagsaksi. Daghan ang dili mosabot ni makasabot bisan pag imong ibatbat sa mas masabtan nga paagi ang tanan. Ang pagsaksi sa mensahe diha sa atong kinabuhi dako man og kahimoan aron sila nga magdumili sa pagsabot, makasabot ug makatugkad niini.