Northern Escapade...SUROY SUROY SUGBO 2025

Ngayon araw na ito ay ibabahagi ko sa inyo ang aking “unforgetable experience” hingil sa katatapos na Suroy Suroy Sugbo, Northern Escapade 2025 na isinagawa nitong Enero 22 hanggang 25 ng taong kasalukuyan.

Sa ikatlong pagkakataon ay muling naimbitahan ang Magsasakang Reporter para i-witness ang fiesta mood, napakaganda, napakasaya at lusog busog na Suroy Suroy Sugbo  sa probinsiya ng Cebu.

Nasa 600 ang participants ng Northern Escapade kabilang na rito si Sen. Ramong “Bong” Revilla, actor Niño Muhlach, actress Beauty Gonzales, RPMD team sa pangunguna ni Dr. Paul Martinez, DJ Villaluna, Ivan Vargas, Jonga Andrade, Atty Tranquil Salvador,  mga matataas na opisyal ng gobyerno, NGO’s at iba pa.

Sakay kami ng VIP coaster 11, kasama ang mga top employee ng Waterfront hotel at ang aming tour guide ay very kind at magaling na si Cyrus Vance Lumapac.

Ang nasabing tour ay inorganisa ng unang babaeng governor sa nangungunang probinsiya sa bansa, na si Cebu Gov. Gwendolyn “Gwen” Garcia.

Apat na beses sa loob ng isang taon isinasagawa ang Suroy Suroy Sugbo at tatlo rito ay aking nasaksihan. 

Ang una ay ang Enchanting One Camotes Island, Southern Heritage Trail at itong huli ay Northern Escapade.

Isa na lang ay mako-conquered ko na ang buong Cebu. Ang hindi ko pa nadadaluhan ay ang Suroy Suroy Sugbo Midwest.

Sa tatlong araw na tour ay 15 bayan ang aming pinasyalan, ang kani-kanilang magagandang tourist destination, pinaghandaan at pinakain kami ng kanilang masasarap na iba’t ibang special delicacies. 

Sa unang araw ng tour ay ang mga bayan ng Consolacion, Compostela, Carmen, Sogod, Medellin, Daanbantayan ang aming pinasyalan.

Sa ikawang araw ay ang mga bayan naman ng San Remegio, Santa Fe, Madridejos at Bantayan. Sa ikatlong araw, ang mga bayan ng Bogo, Tabogon, Borbon, Catmon at Liloan.

Ang showcase package tour na ito ay 21 years nang isinasagawa, na nagsimula pa noong 2004 dahil sa magandang inisyatiba ng magaling, masipag at matalinong si Gov. Garcia.

Nagkaroon ng unity o pagkakasundo-sundo ang lahat ng LGU ng Cebu kaya napakabilis ang progreso sa bawat bayan.

Ginagaya na ngayon sa iba’t ibang lugar ang “bright idea” na ito ni Gov. Garcia para mapalakas at mapasigla ang turismo sa bansa. Bawat bayan ay ipinapakita ang mayaman kultura, arts and traditions. 

Para sa akin ang Suroy Suroy Sugbo Northern Escapade 2025 ay  “Truly an event to remember--a remarkable display of beauty, warmth, kind and generosity of the Cebuanos.”

Kaya sa kabuuan ay binibigyan ko ng five star at perfect na evaluation ang mga organizer nito sa pangunguna ni Gov. Gwen Garcia.

Samantala, hinggil naman sa mga tips at sikreto sa pagtatanim ng iba’t ibang uri ng halaman sa pamamagitan ng organikong pamamaraan ay maaari po kayong manood at makinig ng aking TV program na Masaganang Buhay tuwing Linggo, alas-7:00 hanggang alas-8:00 ng umaga sa OnePH Cignal TV, Channel 1 ng TV-5. Mapapanood din sa RPTV, Facebook at Youtube.

Maaari rin kayong manood at mag-subscribe at mag-follow sa aking Youtube Channel na ANG MAGSASAKANG REPORTER at Facebook profile na Mer Layson at Facebook page na Ang Magsasakang Reporter, TV host Vlogger, Tiktok na Magsasakang Reporter para sa iba pang kaalaman at impormasyon sa pagtatanim ng iba’t ibang uri ng halaman sa pamamagitan ng organikong pamamaraan.

Tuwing araw ng Martes ay regular ninyong mababasa ang aking kolum dito sa Pilipino Star Ngayon (PSN) ng Star Media Group.

Nitong nakalipas na July 28, 2024 ay ginawaran ang Magsasakang Reporter bilang Asia’s Versatile and Promising Columnist on Agriculture of the year ng 9th Asia Pacific Luminares Award sa Heritage Hotel, Pasay City.

Sa mga tanong at komento, maaari ninyo akong i-text, huwag po tawag, sa 09178675197. STAY SAFE, SALAMAT PO, HAPPY FARMING, GOD BLESS US ALL.