Gustong bayran ang saop

Dear Atty. Divine,

Ang akong giugmad nga yuta, ibaligya na sa tag-iya niini ug nakig-estorya na ang owner kanako nga gusto ko niyang bayran nalang kay ang interesadong mopalit niini usa ka kompaniya ug aduna siyay laing plano sa property. Naglibog ko kun modawat ba ko sa iyang offer ug kun mosugot ko nga magpabayad nalang, pila man sab ang dapat nakong pangayuon? Hinuon imo kong magiyahan kun unsay angay nako nga buhaton. Daghang salamat. — Ricky

Dear Ricky,

 Kun ang atong balaod ang basihan, bisan kun laing tawo na ang tag-iya sa yuta human kini ibaligya sa original owner, ang saop magpabiling saop gihapon sa maong yuta. Apan kun motanyag ang tag-iya nga bayran ang saop og dawaton sab kini sa saop then wa kini problema. Sa imo nga kaso, kun naglibog pa ka sa imong desisyon mas maayo nga mokonsulta ka daan sa Department of Agrarian Reform kon DAR aron ikaw magiyahan kun unsay dapat nimong buhaton. Kun pananglit modesisyon sab ka nga dawaton nalang ang offer sa land owner, mas maayo mga mangutana sab ka sa DAR kon unsay basihan unya sa pag-compute kun pilay dapat nimong dawaton gikan sa land owner kay ang DAR mas ang nasayud niini. Thank you and God bless. —Atty. Divine

 * * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.