Huyang nga pangulo

Milutaw ang pagkahuyang nga pangulo ni Presidente Ferdinand Romualdez Marcos Jr. Nakita nato kini sa midagan na nga impeachment nga gipasaka batok ni Bise Presidente Sara Duterte Carpio.

Sa dihang mitumaw ang balita nga pasakaan og kasong impeachment sa mga kongresista ang Bise Presidente, gipadayag ni Presidente Bongbong Marcos ang pagsupak niini tungod kay para kaniya dili kini importante.

Ambot kun seryoso ba ang Presidente sa iyang gisulti mahitungod sa impeachment sa Bise Presidente? Kun seryoso man siya, maingon nato nga huyang ang liderato sa Presidente tungod kay wala man niya mapugngi ang paglusot. niini. Kun lig-on pa ang liderato sa Presidente, sa usa lang niya ka pagsulti nga supak siya niini, wala na gyod untay magsamok-samok sa pagpasaka sa impeachment. Atong hinumduman nga nabutang si House Speaker Martin Romualdes sa katungdanan nga iyang gikuptan tungod sa basbas ni Presidente Bongbong Marcos Jr., busa kun iya kining sultian, mouyon gyod kini ug dili magsupak-supak kaniya. Hinuon kun nagpakaaron ingnon lang ang Presidente sa iyang pagsupak sa impeachment, molahos gyod ang impeachment complaint batok sa Presidente. Gilipat-lipat lang niya ang mga tawo ug ang Bise Presidente. Dinhi migamit og double talk ang Presidente-lahi ang iyang gihimo kay sa iyang gisult.

Kun seryoso ang Presidente sa iyang pagsupak  sa impeachment maingon nato nga dili siya ang nagkontrol sa gobyerno tungod sa paglarga sa impeachment. Dinhi makita nato nga dili siya ang nagtimon sa atong gobyerno karon.

Para nako, bati sab kaayo kon si Provincial Board Member Jonkie Ouano nga maoy lig-ong kandidato pagka mayor sa Mandaue way lig-ong kontra sa politika.

Man man tuo’y laing duha ka kandidato pagka mayor, apan wa kaayo mailhi. Sa laktod, way thrilling alang sa katawhan kon kinsa ang modaog pagka mayor sa Mandaue, kay nahibaw-an na man daan.

Kon wa si Jonas Cortes nga kandidato pagka mayor, bisan og matul

og ra si Jonkie, dili mangampanya, siguradong daog na daan ug pwede ra nga makigsabot na siya daan alang sa iyang victory party.  Gerry Q. Auxilio Jr.