Iprenda ang yuta ngadto sa usa ka langyaw

Dear Atty. Divine,

Ang among silingan naminyo og usa ka foreigner. Ang ilang negosyo karon mao ang pagpahuwam og kwarta apan kinahanglan nga adunay collateral nga yuta or sakyanan kun adunay mohuwam kanila. Ang akong mama nagplano nga moprenda sa among yuta ngadto kanila tungod kay nagkinahanglan mi og kwarta alang sa pagpatambal sa akong papa. Matud sa foreigner nga kinahanglan nga magpirmhanay sila daan ni mama og Real Estate Mortgage sa dili pa niya i-release ang among huwaman nga kwarta. Ang akong pangutana, kun mamahimo ba ang langyaw nga makapirma sa real Estate Mortgage? Di ba ang mga langyaw dili mamahimong makapanang-iya og yuta sa Pilipinas? Daghang Salamat. -- Elsie

* * *

Dear Elsie,

Ang usa ka langyaw o foreigner mamahimong mortgagee o party sa usa ka real estate mortgagee kon REM. Way balaod nga nagdili kanila nga mamahimong mortgagee sa usa ka real property nga nahimutang sa Pilipinas. Tinuod nga gidid-an sa atong batakang balaod ang langyaw nga makapanag-iya og yuta dinhi sa atong nasud, apan ang Real Estate Mortgage dili man na moresulta nga iyang mapanag-iya ang property kay gihimo ra man na nga collateral sa inyong gihuwam nga kwarta. Busa kun dili mo makabayad sa utang, dili sab mamahimo nga i take-over sa foreigner ang property kay gidili man kana sa balaod. Ang iyang mahimo mao lang ang pag foreclosed sa inyong yuta. Daghang salamat og Pit Senyor! -- Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.