Unsay mahitabo kung mapakyas sa pagbayad sa loan sa Bangko?

Dear Atty. Divine,

Ang among house and lot naka loan sa bangko. Nagsige mi og bayad sa monthly amortization ngadto sa bangko apan karong bag-o napalta mi sa pagbayad sud sa usa ka buwan tungod kay naapiki mi sa among finances human masakit ang akong ginikanan.

Unsay mahitabo kun padayon ming di makabayad sa maong loan sa mosunod nga mga buwan? Daghang salamat.

Liza

* * *

Liza,

Kun mapakyas ka sa pagbayad sa imong monthly amortization sa bangko, hayan aduna silay ipahamtang nga penalty sa imong pagkapakyas sa pagbayad on time.

Apan kun di gihapon ka makabayad sa mosunod nga mga buwan, padayong modako ang penalty niini ug posibleng ma-foreclose pa ang imong property. Busa ang maayo nimong buhaton aron dili mosamot ug kadako ang imong bayranan tungod sa penalty, mas maayo nga imong bayran ang maong monthly amortization sa bangko sa iyang due date aron di na magkaproblema niini in the future. Thank you and Pit Senyor!

Atty. Divine

* * *

Alang sa inyong pangutana, palihug lang sa pag-email sa [email protected] og akong tubagon ang inyong pangutana pinaagi sa akong column matag Miyerkules, Sabado ug Domingo.