Ang pagkamaluibon

Dili pa lang dugay nahimong viral ang usa ka lalaki nga nipadayag sa iyang dakong kasagmuyo nga human niya tabangi ug sakripisyohi ang iyang hinigugma aron makab-ot niini ang iyang pangandoy ang mibasura kaniya sa tumang kasayon.

Ang pasangil mao nga siya palahubog. Apan sa kaulahian nakita nga duna na diay siyay lain.

Ang ex igo na lang gyud nga niingon: “Thank you for the Pain.” Sa maong hitabo atong makat-onan kining mosunod:

1. Ang tanan lumalabay lamang lakip na na niini ang relasyon.

2. Ang tawo nahigugma sa imong kamot apan dili sa imong kasingkasing.

3. Higugmaon ka kun mapuslan pa. Kun wala ka nay gamit, isalibay ka lang.

4. Ang babaye kun hatagan modawat, apan dili ikalimod nga mobiya kun wala na kauyon.

5. Ang ubang lalaki paminhoy minghoy apan sa lain diay mo esmiringhoy.

6. Daghan ang nahigugma sa salapi ug mogamit lamang og tawo.

7. Ang Dios mahigugmaon apan sa makadaghang higayon gugma niya atong giusikan tungod sa atong kaulipnan sa gugma sa tawo.

Mao tingali ning hinungdan ngangong magdumili ang mga unggoy nga moangkon nga kita gikan nila sanglit nilihok sila sumala sa ilang instinct ingon nga mananap kitang mga tawo bisan dunay pangisip apan nilihok gihapon ingon nga mga mananap. 

Sa matag higayon nga kita moangkla sa gahom sa habak, sa anting-anting ug sa patuo tuo ato mang giluiban ang Dios.