Gustong idonar ang iyang yuta

Dear Atty. Divine,

Duna koy yuta nga gusto unta nako nga i-donate sa grupo nga maoy nagtabang sa mga bata nga masakiton. Wa koy anak ug patay na sab ang akong bana.

Tiguwang nako busa gusto nako nga magamit ang akong property alang sa maong mga bata. Unsay akong buhaton aron mamahimong legal ang akong pag-donate sa maong property? Daghang salamat.

Norma

* * *

Dear Norma,

Aron mamahimong valid ang imong pag-donate sa property, kinahanglan mo execute ka og Deed of Donation ug kinahanglan sab nga adunay acceptance sa grupo nga imong hatagan niini. Kinahanglan sab nga notarized ang maong Deed of Donation.

Ang maayo nimong buhaton, magpahimo ka og Deed of Donation ngadto sa abogado ug unya imo kining pirmahan lakip na sa grupo nga imong hatagan og ipanotarized human sa pagpirma.

Apan hinumdumi nga kanang Deed of Donation moepekto na dayon from the time nga mopirma sa acceptance ang imong gihatagan.

Buot ipasabot nga ang imong property mamahimo dayon kining i-transfer  sa pangan sa grupo nga imong gihatagan. Busa seguroha nga aduna pa kay laing property nga magamit alang unya sa imong sustenance ug uban pang galastuhan.  Thank you and Pit Senyor!

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo