Utang

Miabot na sa P16.09 trilyones ang utang sa Pilipinas sa buwan sa Nobiyembre aa tuig 2024. Kining maong gidak-on sa kantidad sa utang wala magpasabot nga mao nalang gyod kini. Aduna pay dako nga posibilidad nga madugangan kini sa umaabot nga mga buwan ug sa nahabiling katuigan sa pagdumala ni Presidente Bongbong Marcos Jr.

Ning tuig 2025, ang Kongreso mitugot sa pagpagawas sa pundo sa nasudnong kagamhanan og kapin sa P6.3 trilyones alang sa iyang gastoanan. Apan ning maong kantidad, 60% lamang ang mapunta sa gastohanan nga mga proyekto, programa ug kalihokan tungod kay ang 40% niini adto man mopaingon sa pangbayad sa utang.

Dako na gyod ning utanga. Panahon ni Presidente Noynoy Aquino wala nay utang ang Pilipinas. Nabayaran na niini ang iyang utang sa World Bank ug International Monetary Fund. Nahimo na gani ta nga creditor sa kalibotan. Suwerte si Presidente Rodrigo Roa Duterte sa iyang paglingkod nga Ptesidente sa nasud tungod kay wala siyay bayranan nga utang.

Apan napugos siya sa pagpangotang aron adunay ikapalit og bakuna nga makapanalipod sa Covid-19 nga made ín China. Sa pagbiya ni Presidente Duterte sa Malakanyang nagbilin siya og P13 trilyones ka pesos nga utang ug sa tulo pa ka tuig nga pagdala sa renda sa kagamhanan sa nasud ni Presidente Bongbong Marcos Jr. miabot na sa P16.09 ka trilyon ang utang sa nasud.

Walay problema kun mangotang ang gobiyerno basta aduna lamang kini resibo nga ikapakit nga magpamatuod diin gigasto ang giutang nga salapi.

Kun si Presidente Noynoy Aquino wala mangutang hinuon gibayran ang tanang utang sa gobyerno, wala man pod siyay mga proyekto. Kun si Presidente Duterte nagbili  og utang nga P13 trilyones sa iyang pagbiya sa Malakanyang pero iya man pod kining gigamit sa pagpalit og bakuna,batok sa covid-19 ug sa iyang mga proyekto. Mao pod si Presidente Bongbong Marcos Jr, . ang iyang utang gigamit sa paghimo og mga proyekto sama sa lima ka libo kapin  ka mga flood control project lukop nasud nga iyang hibida sa miagi niyang SONA pero bisan unsaon nimo sa pagpangita dili nimo makita. So far, mao ni sng resibo sa ilang pagpangutang.