Unsa man ang Chakra?

Kun maablihan ang psychic abilities ginamit ang pamaagi sa New Age lakip na ang mga pamaagi sa energy healing, ang third eya maabli pinaagi sa mga chakra points. Ang chakra points mao kadtong mga energy centers. Kining maong matang sa panghunahuna nagasukad sa India ug Tsina. Ang life force energy nga anaa sa lawas gitawag og “Chi” murag elektrisidad nga anaa sa nagkadaiyang bahin sa lawas.

Kini mao ang basehan sa mga nagkadaiyang matang sa panambal sama sa ayurvedic, acupuncture, acupressure, martial arts ug meditation. Bag-ohay pa lang nga nailhan kining maong konsepto kalabot sa chakra points ug ang pagkat-on niini kasagaran nahitabo gumikan sa New Age. Matud ba kining maong mga enerhiya ang nidagayday diha sa atong mga kaugatan diin nidagayday ang atong dugo. Ang Chi nidagayday ning maong mga agianan.

Sa unsang paagi nga nahimong agianan ang Chakra Points sa bisan unsang matang sa lihok sa demonyo?

Ang pamaagi nga Ayurvedic sa pagpanambal nga dunay cultic dimension ang mamahimong kahigayonan sa demonic intrusion sa kinabuhi sa tawo nga nagpatabang pinaagi ning maong serbisyo. Nga sa ato pa ang pagsangpit sa hinabang sa mga diosdios inubanan ning maong mga pamaagi sa pagpanambal ang makasugnod aron masinati ang gitawag nilang heightened spiritual experience.

Gumikan ning maong pagtakboy kun contamination sanglit ang maong balansayon kasagaran adunay nagpahibi nga relihiyosong pagtuo ug labaw sa tanan kun ang usa ka tambalan kun local faith healer ang mohimo sa ritwal. O dili ba kaha ang therapist dunay attached spirit nga nakapahimo nilang gamhanan diha sa pagpanambal o pagmasahe sa ilang pasyente.

Sa unsang paagi nga masirad-an ang mga Chakra Points?

Adunay ritwal ug eksorsismo sa pagsira kun pagtak-op sa mga chakra points. Kuyog usab niini ang matinud-anong paghinulsol ingon man ang pagsalikway sa bisan unsang matang sa kalambigitan niini.

Human matak-op ang mga Chakra Points isunod dayong pagtak-op sa Occult Third Eye. Lisud kini pagabuhaton sanglit ang demonyo nga kuyog niini ang makapahimo sa pasyente nga maanaa o makagawas sa kahimtang sa Trance, kinahanglan nga isalikway usab ang balansayon ug kalambigitan sa New Age.

Matud pa diha sa Chart sa mga Chakra Openings adunay pito ka mga major centers ug 23 ka mga minor ones. Kun nahimong activated ang kulandini ang 30 centers kinahanglang isirado gyud.