Kapolisan niguba sa mga pabuto, pyrotechnics nga nasakmit

CEBU, Philippines — Gipangbasa sa Cebu City Police Office (CCPO) kagahapon sa buntag ang mga nakompiska nila nga mga pabuto ug pyrotechnics devices. Ang maong kalihokan gipahigayon diha sa CCPO Parade Grounds.

Ang mga pabuto gilangkuban kini sa usa ka pagoda, duha ka Cinderella nga dagko, tulo ka Cinderella nga gagmay, 15 ka fountain nga dagko, 14 ka fountain nga medium, 20 ka fountain nga gagmay, 15 ka fountain nga extra small, 21 ka jumbo jacks, 140 ka mercury, 100 ka roman candle, duha ka araw, 13 ka box sa piccolo, 34 ka box sa pop-pop, 402 ka sparklers o binggala, tulo ka thunder ug laing tulo ka beauty.

Ang tanang pabuto nagkantidad ngadto sa P34,200.

Gisakmit ang maong mga pabuto tungod kay nakalapas kini sa regulations sa sales permits ug unauthorized sales locations, ug paglapas sa Republic Act 7183 ug Executive Order No. 26 Series of 2024 nga giisyu sa Cebu City Government.

Sa laing bahin, gipangulohan ni Police Colonel Dyan Agustin, acting city  director sa Lapu-Lapu  City Police Office  (LCPO) ang ceremonial disposal  sa kapin P26,000  nga mga  pabuto  nga ilang nasakmit gikan sa mga naninda niini niadtong pasko ug bag-ong tuig

Kauban ni Augustin ang kadagkoan sa Bureau of Fire Protection sa siyudad ug ingon man ang mga personnel sa City Environment and Natural Resources Office ug City Health Office

Matud ni Augustin nga simultaneous destruction ang gipahigayon sa mga nasakmit nilang mga pabuto.

Samtang siPolice Liuetenant Colonel Christian Torres, tigpamaba  sa LCPO nagkanayon nga ang kadaghanan sa gisakmit nga pabuto dili kadtong mga gidili nga nagkakip sa picculo, goodbye Philippines,  bawang, giant Judas belt ug uban pa.

Ang maong mga pabuto gipamaligya sa wala malakip sa deklarasyon nga firecracker zone area