Dagdag bawas

Gikuhaan sa Kongreso og P11 bilyones ang budget sa Department of Education (DepEd) alang sa tuig 2025 tungod kay matud pa sa mga magbabalaud aduna pa kini daghang pundo nga wala magasto. Apektado sa gikuha nga budget mao ang sa computerization program sa DepEd.

Gawas sa DepEd, gikuha usab ang budget ngs alang sa 4Ps ug dugang serbisyo.

Samtang gikuhaan sa Kongreso ang budget sa Deped ug serbisyo ila pod nga gipaborot ang budget sa Department of Public Works snd Highways nga anaa sa P1.1 ka trilyon.

Gipaburot usab sa mga magbabalaud ang ilang budget gikan sa P31.29B ngadto na sa P50 bilyones.

Basi sa gisumitir nga budget sa Department of Budget and Management, ang  kinatibokang kongreso ( Senate and House of Representatives) aduna lamang kini budget nga P31.29B diin ang P16.34B niini mao ang budget sa House of Representatives samtang P12.83 Bilyones niini ang sa Senado.

Apan ang Bicameral Committee nga naghilot sa bangi sa nagkasungi nga version sa budget sa Senado ug House of Representatives mipaburot sa ilang budget ngadto na sa P50 bilyones diin ang P16.34B nga budget sa House of Representatives nahimo na kining P33.67B samtang ang budget sa Senado anaa na kini sa P13.93 ka bilyon.

Ang budget sa House of Representatives ila kining gidugangan og P17B samtang ang budget sa Senado ilang gidugangan og P1.1 bilyones.

Sa dihang gipangutana asa nila kuhaon ang gidugang budget ang sakop ra sa Bicameral Committee ang makatubag niini. Walay kasayoran ang ubang mga magbabalaud.

Gihimakak sa mga sakop sa Bicameral Committee nga ang gikuha nga budget sa DepEd ug Social Services ang idugang sa gipaburot nilang budget. Kun dili man, asa man diay sila mokuha og salapi nga idugang sa gipaburot nilang budget? Lipat-lipat lang? Ilara ang Lolo ninying Opaw. Ambooot laaang.